Փոխենք աշխարհը գիտությամբ

Կարդալ

Բաժանմունքներ

Հ.Վարդապետյանի անվան փորձարարական ֆիզիկայի բաժանմունք
Ս.Մատինյանի անվան Տեսական ֆիզիկայի կենտրոն բաժանմունք
Կոսմոլոգիայի և աստղաֆիզիկայի կենտրոն բաժանմունք
Քվանտային տեխնոլոգիաների կենտրոն բաժանմունք
Տիեզերական ճառագայթների ֆիզիկայի բաժանմունք
Հաշվողական ֆիզիկայի և տեղեկատվական տեխնոլոգիաների բաժանմունք
Ֆիզիկայի կիրառական հետազոտությունների բաժանմունք
Իզոտոպների հետազոտման և արտադրության բաժանմունք

Տեսնել ավելին

Սպասվող միջոցառումներ²

16

Դեկտեմբեր

ՌՈՒԲԵՆ ՄԿՐՏՉՅԱՆԻ 70-ԱՄՅԱԿԻՆ ՆՎԻՐՎԱԾ ՍԵՄԻՆԱՐ ԱԱԳԼ-ՈՒՄ
9

Դեկտեմբեր

ՏԱՐԵՎԵՐՋՅԱՆ ԱՄՓՈՓԻՉ ՄԻՋՈՑԱՌՈՒՄ ԱԱԳԼ-ՈՒՄ

Բոլոր միջոցառումները

Նորություններ Բոլոր նորությունները

5 հոկտեմբերի, 2025 թ.

Ամենամյա ամփոփիչ գիտաժողով - 2025

9 փետրվարի, 2026 թ.

Horizon Europe Proposal Writing Camp

29 դեկտեմբերի, 2025 թ.

«Փոքր մոդուլային ռեակտորներ» թեմայով ուսումնական ձեռնարկ

25 դեկտեմբերի, 2025 թ.

«Պետության պահանջարկի վրա հիմնված (Demand Driven) գիտահետազոտական նախագծեր – 2025» մրցույթի արդյունքներ

Մեր գործընկերները Բոլոր գործընկերները

Դառնալ գործընկեր

Պատմական ակնարկ

Արտեմ Ալիխանյան

Երևանի ֆիզիկայի ինստիտուտը (ԵրՖԻ) հիմնադրվել է 1943 թվականին անվանի ֆիզիկոսներ Աբրահամ և Արտեմ Ալիխանյան եղբայրների կողմից: Ինստիտուտի հիմնադրման ակունքներում ընկած է տիեզերական ճառագայթների ուսումնասիրությունը և այդ նպատակով Արագած լեռան վրա կառուցված տիեզերական ճառագայթների հետազոտման երկու կայանները՝ «Արագած» (3200մ) և «Նոր Ամբերդ» (2000մ)։ 1962 թ.-ին ինստիտուտը անցել է Խորհրդային Միության Ատոմային էներգիայի պետական կոմիտեի ենթակայության տակ: Խորհրդային Միության փլուզումից հետո, 1992 թ․-ին Երևանի ֆիզիկայի ինստիտուտը անցել է Հայաստանի Հանրապետության արդյունաբերության և առևտրի նախարարության ենթակայությանը, իսկ 2002 թվականից կրում է հիմնադիր տնօրեն Արտեմ Ալիխանյանի անունը, որպես «Ա. Ի. Ալիխանյանի անվան Երևանի ֆիզիկայի ինստիտուտ» պետական ոչ առևտրային կազմակերպություն։ 2010 թվականի հունիսի 17-ին ՀՀ Կառավարության որոշմամբ «Ա. Ի. Ալիխանյանի անվան Երևանի ֆիզիկայի ինստիտուտ» պետական ոչ առևտրային կազմակերպությունը վերանվանվել է «Ա. Ալիխանյանի անվան ազգային գիտական լաբորատորիա»-ի, իսկ 2011 թվականին այն վերակազմավորվել է «Ա. Ի. ԱԼԻԽԱՆՅԱՆԻ ԱՆՎԱՆ ԱԶԳԱՅԻՆ ԳԻՏԱԿԱՆ ԼԱԲՈՐԱՏՈՐԻԱ (ԵՐԵՎԱՆԻ ՖԻԶԻԿԱՅԻ ԻՆՍՏԻՏՈՒՏ)» հիմնադրամի (ԱԱԳԼ)։

Աբրահամ Ալիխանյան

Ինստիտուտի պատմության մեջ կարևոր ուղենիշ է 6 ԳէՎ էներգիայով էլեկտրոնային սինքրոտրոնի շինարարությունը, որն ավարտվել է 1967 թ.-ին` դառնալով մասնիկների առաջին արագացուցիչը Հայաստանում («ԱՐՈՒՍ»)։ 1970-1991թթ. Երևանի էլեկտրոնային արագացուցիչի վրա իրականացվել են մի շարք գիտափորձեր, այդ թվում ուսումնասիրվել են ֆոտոնների հադրոնային հատկությունները միջուկներում π- մեզոնների ֆոտոծնման ռեակցիաներում, նուկլոնային ռեզոնանսների կառուցվածքը բևեռացված գիտափորձերում, միջուկային նյութի կառուցվածքը և հատկությունները, անցումային և կանալացման ճառագայթումների կարևոր հատկությունները։ Հատկանշական է ռենտգենյան տիրույթում անցումային ճառագայթման հայտնագործումը փորձում, Երևանի էլեկտրոնային արագացուցիչի վրա, 1970 թվականին, ինչը ներկայումս էլ լայնորեն օգտագործվում է ժամանակակից գիտափորձերում մասնիկների նույնականացման համար։ Այս հաջողությունների շնորհիվ 1985թ.-ից սկսած ինստիտուտի գիտաշխատողները հաջողությամբ մասնակցում են միջազգային խոշոր համագործակցությունների շրջանակներում իրականացվող գիտափորձերին։ ԵրՖԻ-ի ավանդական ուղղություններից է եղել մասնիկներ գրանցող նոր դետեկտորների ստեղծումը։ Լայն կայծային խցիկները և անցումային ճառագայթման դետեկտորները, որոնք ստեղծվել են ինստիտուտում, փորձարարական տեխնիկայի մշակման լավ օրինակներ են։ Մեկ այլ օրինակ է 1980-ական թվականների կեսերին ԵրՖԻ-ում մշակված և գերբարձր էներգիայի գամմա ճառագայթների աստղաֆիզիկայի մեջ օգտագործվող այսպես կոչված պատկերային մթնոլորտային Չերենկովյան դիտակները (IACT), ինչը հաջողությամբ կիրառվել է HEGRA միջազգային համագործակցության շրջանակներում: Վերոնշյալ կոնցեպցիան հետագայում ներդրվել է նաև MAGIC և H.E.S.S. գիտափորձերում: